ég er eins og glöggir lesendur hafa tekið eftir ekkert voðalega dugleg að blogga.
Þegar það gerist er það oftast þegar ég er frekar þung andlega. Það á einmitt við um í dag.

Ég hef enga sérstaka ástæðu til að vera þung í dag, bara er það. Sennilega eru þetta margir þættir sem spila inn í.
Ég á eina og hálfa viku eftir í vinnunni minni, um mánaðarmótin verður því stungið ofan í skúffu ef þannig ´má að orði komast. Það verða engir launþegar hér lengur. Er núna að vinna að uppgjöri 2008 og er ekki að nenna því, stelpurnar sem eru með mér eru í fríi í dag og á morgun og því er ég frekar einmanna hér núna. Svo eru mál hér í vinnunni að pirra mig eða ég leyfi þeim að pirra mig. Mig langar að hætta bara núna en ég veit að ég yrði ekki sátt við sjálfan mig ef ég færi frá þessu svona. ég hef alltaf staðið við mitt í vinnu og ég verð að gera það alla leið.
Ég veit ekki hvað tekur við í Febrúar, hvað vinnu varðar það er nú ekki mikið í boði núna af góðum vinnum en ég er svo sem ekkert svartsýn á það, allavega ekki enn.
Ég er reið út í félags og menntakerfið í dag. Ég ætlaði að taka smá nám núna á vorönn hér á Selfossi mæta í tíma ef ég væri atvinnulaus en annars að taka það utan skóla. En nei þá á ég á hættu á að missa rétt minn til atvinnuleysisbóta og það er ekki áhætta sem ég var tilbúin að taka. Svo kom það nú síðar í ljós að umsókn mín hefði ekki verið samþykkt. Ingvi minn er í skóla núna og því verð ég að hafa einhverjar tekjur. Svo hlustar maður á menntamálaráðherra hvetja alla til að fara í skóla núna sérstaklega þá sem eru að missa vinnuna!! Halló á hverju heldur hún að fólk lifi.
Að öðru skemmtilegra. Ég er með tvo klára inni og eina meri, reyndar er merin bara í hvíld hjá mér tímabundið en ég er að reyna eiga eitthvað við klárana tvo. Það gengur hægt en samt voða gott að geta rölt út í hesthús á hverjum degi og átt eitthvað við vini sína sem búa í hesthúsinu.
Ingvi er í bænum frá mánudegi fram á föstudag er svoldið hrædd um að þetta verði langir virkir dagar á næstunni, en ég finn mér svo sem örugglega eitthvað að stússa til að láta tíman líða.
 Jæja ætla að halda áfram að stemma.
Bið að heilsa í bili

Víí sennilega 10 dagar þangað til fyrstu tryppin koma inn!!

Óska hér með eftir jákvæðum fréttum!!
Takk fyrir
Dísa

Í dag er ég rúmlega 25 ára, er ég þá orðin fullorðin?
Ég hef alltaf viljað fullorðnast hratt. Þegar ég var 12 ára sagðist ég vera 14, þegar ég var 14 sagðist ég vera 16. Ég vildi alltaf verða fullorðin og fólk liti á mig sem slíka. Einhverja hluta vegna voru flestir vinir mínir og eru enn í dag eldri en ég. Sumir segja að ég hafi þroskast hratt sé gömul sál eins og einhver orðaði það. Ég veit ekki hvort það sé satt eða ekki. Síðustu 5-6 ár hef ég ekki bætt við 2 árum við aldur minn, frekar viljað draga úr honum ef eitthvað er. Þegar ég var yngri sá ég alltaf fyrir mér að ég væri orðin fullorðin þegar ég væri um þrítugt. Þá væri ég búin að koma mér fyrir þannig í lífinu eins og ég vildi að restin af því yrði. Væri búin að læra, komin í gott starf með starfsframa ætti mína húseign væri í íþróttaleguformi væri í góðu sambandi við vini mína og ef ég væri mjög heppin með hring á fingri.

´Núna eru 5 ár í að ég verði þrítug og á toppi þess að verða fullorðin miða við mínar pælingar hér áður fyrr. í dag á ég margt af þessu sem ég taldi upp hér að ofan en veit einnig að það dýrmætasta í þessari upptalningu er unnusti minn, fjölskyldan og vinir,  restin er aukaatriði og bónusar.
 Að verða fullorðin er ekki eitthvað sem gerist á ákveðnum aldri heldur er í þróun alla ævina eða það er orðin mín hugmynd í dag allavega. En samt finnst mér erfitt að takast á við erfiði dagsins í dag, þau eru eitthvað svo fullorðinsleg. Núna þegar ég farin að fá smjörþefin af því að vera fullorðin langar mig ekki til þess, væri allveg til í að geta mínusað svona 7 ár. Ekki það að ég vilji breyta einhverju sem ég hef gert á síðustu 7 árum hef átt yndisleg ár væri bara til í að lifa þau aftur áhyggjulaus og enn lífsglaðiri en ég gerði. 
Núna hugsa sennilega margir að ég haldi að lífið sé búið eftir þrítugt en svo er ekki. Ég veit að ég á mest allt lífið eftir og það á bara eftir að verða ánægjulegra, en ég er samt farin að líta öðrum augum á lífið en ég gerði. En til þess eru víst erfiðleikarnir, það sem ekki drepur okkur herðir okkur.

kv dísa  

Á einu spjalli í hesthúsinu var minnst á ljóð Einars Ben "Fákar" og skammaðist ég mín mjög mikið að hafa alldrei lesið það í heild sinni. Goggle fann það að sjálfsögðu fyrir mig og hreyfst ég með hverri línu. Síðari hlutsins hreif mig þó hvað mest. 
Þetta ætti að vera skyldulesning fyrir alla hestamenn og jafnvel bara sem skólalesning.
Ef ég ætti hesthús og þegar ég mun eiga hesthús verður þetta ritað á einn vegginn inn í því, ekki spurning. 
Deili því með ykkur hér. Njótið vel

Í morgunljómann er lagt af stað.
Allt logar af dýrð, svo vítt sem er séð.
Sléttan, hún opnast sem óskrifað blað,
þar akur ei blettar, þar skyggir ei tréð.
- Menn og hestar á hásumardegi
í hóp á þráðbeinum, skínandi vegi
með nesti við bogann og bikar með.
Betra á dauðlegi heimurinn eigi.

- Brúnirnar þyngjast. Þeir harðna á hvarm.
Það hrökkva af augunum neista él.
Riðullinn þyrpist með arm við arm.
Það urgar í jöxlum við bitul og mél.
Þeir stytta sporin. Þeir stappa hófum
og strjúka tauma úr lófum og glófum.
Höfuðin lyftast. Hin lifandi vél
logar af fjöri undir söðulsins þófum.

Nú hrífur eðlið hvern hlaupagamm.
Hófblökin dynja fastar á vang.
Sveitin, hún hljóðnar og hallast fram.
Hringmakkar reisa sig upp í fang.
Það hvín gegnum nasir og hreggsnarpar granir.
Nú herðir og treystir á náranna þanir
Það þarf ekki að reyna gæðingsins gang,
þeir grípa til stökksins með fjúkandi manir.

Það er stormur og frelsi í faxins hvin,
sem fellir af brjóstinu dægursins ok.
Jörðin, hún hlakkar af hófadyn.
Sem hverfandi sorg er jóreyksins fok.
Lognmóðan verður að fallandi fljóti;
allt flýr að baki í hrapandi róti.
Hvert spor er sem flug gegnum foss eða rok,
sem slær funa í hjartað og neista úr grjóti.

Maður og hestur, þeir eru eitt
fyrir utan hinn skammsýna, markaða baug.
þar finnst, hvernig æðum alls fjörs er veitt
úr farvegi einum, frá sömu taug.
þeir eru báðir með eilífum sálum,
þó andann þeir lofi á tveimur málum, -
og saman þeir teyga í loftsins laug
lífdrykk af morgunsins gullroðnu skálum.

Hesturinn, skaparans meistaramynd,
er mátturinn steyptur í hold og blóð, -
sá sami, sem bærir vog og vind
og vakir í litaanna heilögu glóð.
- Mundin, sem hvílir á meitli og skafti,
mannsandans draumur í orðsins hafti, -
augans leit gegnum litanna sjóð
- allt er lífsins þrá eftir hreyfing og krafti.

Sá drekkur hvern gleðinnar dropa í grunn,
sem dansar á fákspori yfir grund.
Í mannsbarminn streymir sem aðfalls unn
af afli hestsins og göfugu lund.
Maðurinn einn er ei nema hálfur,
með öðrum er hann meiri en hann sjálfur. -
Og knapinn á hestbaki er kóngur um stund,
kórónulaus á hann ríki og álfur.

- Ef inni er þröngt, tak hnakk þinn og hest
og hleyptu á burt undir loftsins þök.
Hýstu aldrei þinn harm. Það er bezt.
Að heiman, út, ef þú berst í vök.
Það finnst ekki mein, sem ei breytist og bætist,
ei böl, sem ei þaggast, ei lund, sem ei kætist
við fjörgammsins stoltu og sterku tök.
Lát hann stökkva, svo draumar þíns hjarta rætist.

höf. Einar Ben


kveðja Dísa

Ástarbál í augum brann
er Ingvi kraup við stallinn,
Þórdís félst að eiga hann
þrátt margur fyndist gallinn.

Höf. Árni Eiríksson

Frétt dagsins er auðvitað að ég á afmæli í dag

Þar sem engin er búin að syngja fyrir mig geri ég það bara sjálf hér....

Ég á afmæli í dag, ég á afmæli í dag
ég á afmæli ég dísa,
ég á afmæli í daaaaaaggggggggg.

Vonandi eigið þið góðan dag!

Úps núna lét ég líða allt of langt á milli blogga!

Þessa daga snúast hlutirnir um afstressun. Er búin að vera stressuð í alltof langan tíma og hef samt enga ástæðu til að vera stressuð. Sem betur fer hef ég hestana mína.
Ég veit ekki hvar ég væri án þeirra. Það er bara einhvern vegin að þegar ég er í hesthúsinu gleymi ég öllum örðum vandamálum, er ekki að hugsa um kreppu, vinnuna, þrífa húsið og aðra hluti sem liggja á mér daglega. Í hesthúsinu er ég bara ég sjálf og hef ánægju af félagskap hestana og því frábæra fólki sem við erum svo heppin með að fá að vera í húsi með.
Á föstudagskvöldið var bjórkvöld í vinnunni og þar sem ég er í starfsmannafélagsnefnd snérist kvöldið hjá mér aðalega um að vaska upp! En reyndar valdi ég það nú sjálf var ekki í stemmingu fyrir eitthvað fyllerí. Svo daginn eftir var Góugleði í hesthúsinu. Þá förum við ferðahópurinn og ríðum góðan hring og borðum svo saman á fóðurganginum.
 Einhvern vegin finnst mér miklu skemtilegra að fá mér í glas við svona tilefni heldur en á bjórkvöldum og slíku. Svo var brunað upp í sveit í fimmtugsafmæli. Þá var ég nú orðin þunn og stoppuðum við því stutt þar. Sunnudagurinn var bara notalegur, útreiðar og rólegheit.
Ég er byrjuð á þeirri bleiku sem ég er með fyrir afa og er hún bara ágæt fer ágætlega af stað. Svo styttist í að ég fari að taka inn eina gráa sem ég er búin að taka að mér að frumtemja fyrir hana Ástu mína. Það er bara spennandi. Svo þarf ég að fara taka merina mína inn sem er vægast sagt ekki eins spennandi.
Páskarnir verða bara teknir í afslöppun og útreiðar, vonandi verður gott veður svo maður neyðist til að vera alla daga í hesthúsinu
Jæja læt þetta duga að sinni enda ekkert merkilegt að segja svo sem.
kv Dísav

Hellú
Var á reiðnámskeiði í gærkvöldi í hestafræðum. Fór með gullið mitt hann Blakk. Það var rosalega gaman, ég var svoldið stressuð áður en við fórum en um leið og ég var komin í hnakkinn þá varð ég allveg slök. lærði slatta og svo er bara sjá hvernig mér gengur að muna þetta allt og færa út í reiðtúrana. Næstu tvo þriðjudagskvöld verða svo undirlögð reiðnámskeiði. 
Brjálað að gera í vinnunni eins og alltaf. Þarf að fara betur eftir læknisráðinu
Meistaradeildin á morgun, Töltið, bara gaman læt mig nú ekki vanta á það.
Svo á hann Ingvi minn afmæli á sunnudaginn svo að ég verð að reyna finna eitthvað sniðugt í pakka fyrir þann dag.
Má ekki vera að því að skrifa meir í dag. Búin með pásuna og piparkökurnar.
bið að heilsa.
Disav

Ákvað að blogga smá á meðan ég borða gúrkuna mína.

Ákvað að skella mér á læknavaktina í gær út af vöðvabólgunni og stressköstunum sem ég hef verið að fá öðru hverju upp á síðkastið. Maður á nú kanski ekkert að vera segja frá því á internetinu hvað fór á milli mín og læknisins en honum tókst að láta mig roðna og brosa út í annað eins og lítilli  skólastelpu sæmir. Hann byrjaði á því að segja mér af hverju stress og mjög oft vöðvabólga myndast, mjög fróðlekt allt saman og hafði nú heyrt mest af því áður, en fyrir þá sem ekki vita er það bara uppsöfnuð spenna í líkamanum. Hann vildi því að ég færi að gera eitthvað sem myndi losa um þessa spennu. Líkamsrækt kom þá til umræðu og ég sagðist ekkert vera alltof bjartsýn á að ég kæmi mikið af því inn í dagskrána. Þá spurði hann hvort ég ætti mann og ég jánkaði því. "já flott mikið kynlíf það er það lang besta. Við erum ekkert að tala um einhverja rómantík bara öflugt kynlíf". Þarna var ég nú farin að roðna aðeins því ég átti ekki von á svona umræðu við lækninn og ég tel mig nú samt ekki vera tepru. Svo fékk ég ýmsan fróðleik um hvað karlhórmónin geta gert mikið fyrir spennulosun hjá kvennmanninum og fleira í þeim dúr. Svo var ég nú komin í flóttagírin var búin að taka upp veskið og tilbúin að stökkva út úr þessum samræðum og segi eitthvað svona á þessa leið, " já ég verð eitthvað að reyna semja við karlinn um að hjálpa mér að framkvæma þetta læknisráð". "Já, nú verður bara tekinn frá tími og settur í dagbókina" segir doksi og heldur áfram; "bara öflugt kynlíf á hverju kvöldi og helst á morgnana líka!!!!" . Þarna var ég nú bara farin að hugsa um að fá þetta skriflegt hjá honum, Ingvi minn ætti örugglega ekki eftir að trúa mér þegar ég kæmi heim. En ég hafði nú ekki kjark í að spyrja um það og þakkaði því bara fyrir mig og fór heim. 
Þegar ég kom heim var Ingvi minn sofandi í sófanum. Ég kyssti hann létt á kinnina og byrjaði að segja honum allt sem doksi hafði ráðlagt mér að gera. Þegar ég var búin að koma þessu öllu frá mér var Ingvi sestur upp glaðvaknaður og sagði; "Hvenar þurfum við þá að vakna á morgnana!"  

Jæja hver hefði trúað þessu, ég bara að blogga tvo daga í röð

Annars er ég ekkert voðalega jákvæð í dag, illa sofin og að farast úr vöðvabólgu. Verkefnin í vinnunni staflast upp og ég þarf að pína mig í gegnum búnkan sem virðist aldrei minnka.. Fór heim í hádeginu og í heitt bað. Er nefninlega með klukkutíma í mat ef ég vil. Úff hvað það var gott að leggjast ofan í hitann. Var búin að liggja í svona sirka 7 mínútur og þá var bankað á útidyrnar! Hoppaði upp úr og fór til dyra. Þá varð það ung dama sem spurði hvort að það væri karlmaður heima Bíllinn hennar væri nefninlega rafmagnslaus og þær voru bara þrjár, ÞRJÁR, heima og enginn kynni að gefa start. Ég var nottla bara ein heima og varð að hoppa í fötin og redda þessu fyrir þær. Gerði það á nokkrum mínutum og skellti mér svo aftur í baðið. Hafði 15 mín til að liggja þar áður en ég átti að mæta aftur til vinnu. Ég hefði allveg getað legið þar lengur......... En er sem sagt komin til vinnu og á að vera vinna núna.
Hætti við að setja auglýsingu út af bílnum og veit ekkert í hvorn fótinn ég á að stíga með þetta núna. Okkur langar í nýjan bíl en tímum því samt eiginlega ekki en erum líka komin með leið á því að þurfa að fá lánaðan bíl í hvert skipti sem þarf að draga hestakerru. Allveg nóg að þurfa fá kerru lánaða.
Já ég hef oft verið jákvæðari en í dag og tveir búnir að hafa orð á því hvað ég líti illa út eða lasarlega út. Alltaf gaman að heyra það!

En þangað til næst,
yfir og út,
Dísav

Hva á ég bloggsíðu, af hverju lét enginn mig vita!!!

Annars er allt gott að frétta af mér. Lífið snýst aðalega um það að vinna og vinna. Svo þegar ég er ekki að vinna þá fer ég í hesthúsið og sinni hestunum mínum. Við Ingvi erum með sitthvorn inni en það fer að líða að því að við fjölgum allavega um eitt hross. Útreiðarveðrið mætti reyndar vera betra en maður lætur sig bara hafa það.
Ég sé fallegu frænkurnar mínar alltof sjaldan bara skömm af því hvað ég er léleg í að fara til þeirra.
Ég hef ekki náð að hreyfa mig mikið síðan fyrir jól eða ég gef mér ekki tíma né hef nennu til sem er ekki nógu gott. Þýðir auðvitað bara meiri vöðvabólga og björgunarhringurinn komin aftur! argarg
Við erum sennilega að fara selja bílinn okkar ætla að reyna setja inn auglýsingu fyrir hann í dag. Erum með tvo aðra í sigtinu sem við erum til í að eiga en kanski verð ég bíllaus í nokkra daga. Þannig að þá neyðist ég allavega til að hreyfa mig meir haha. Eða misnota mínu kæru fjölskyldu
Jæja er þetta ekki bara nokkuð gott svona sem fyrsta blogg á þessu ári?
Læt það allavega duga.
Kveðjur á ykkur,
Dísav

Nú á ég tvær sætustu frænkur

 

 Heppin ég

kv dísa

Hæbb

Ákvað að henda inn nokkrum línum.

Búin að fara í réttir og á Benedorm. Kom bara sæt heim ekki brún. Fengum bara einn sólardag af 7 daga ferð. En hitin var góður og ég náði að hvíla mig og ég náði nánast að hugsa ekkert um vinnuna, bara mig og Ingva minn.

Ég léttist um 0,5 úti sem var bara gott. Ég var búin að ná þessum 2 kg sem ég stefndi að fyrir ferðina. þannig að -2,5 er talan í dag. ég hef núna 2 vikur til að ná 1,5 kg í burtu til að ná markmiði 2. Ég er að gera mitt besta í því. Búin að standa mig vel í mataræðinu og er byrjuð í ræktinni. Ætla samt bara að stefna á brennslu í þessari viku og sjá hvað það skilar mér.

Er í vinnunni núna og verð víst að reyna halda áfram.

Skjáumst seinna.

Já -0 ekki +0 takið eftir

Ég bjóst nú við þessu en ég held ótrauð áfram göngunni.

Mán: hjólað og mataræði ágætt

Þrið: hjólað og mataræði ágætt

Miðv: hreyfihvíld og mataræði ágætt

Fim: Synt í hádeginu, hjólað um kvöldið og mataræði ágætt

Fös: Sund og mataræði ágætt

Laug: Hreyfihvíld og mataræði lala (enda laugardagur)

Sun: Fjallganga/hlaup og mataræði lala.

Það þíður 5,5 plúsar í hreyfingu af 7 og 5 í mataræði af 7.

Mætti hækka mataræðið allavega upp í 6 af 7 í þessari viku.

Hef enn 2 vikur til að ná markmiði eitt fyrir Benedorm!

kv disav